لاہور میں گھریلو ناچاقی پر ڈولفن فورس کے اہلکار کو اس کی دوسری بیوی نے قتل کر دیا۔ مبینہ قتل کا واقعہ تھانہ فیکٹری ایریا کی حدود میں پیش آیا۔
اے آر وائی نیوز کے مطابق مقتول ڈولفن اہلکار کی شناخت سخاوت کے نام سے ہوئی جس کے قتل کا مقدمہ اس کے بھائی فواد کی مدعیت درج کرلیا گیا۔
پولیس نے بتایا کہ سخاوت اپنی دوسری بیوی کے ساتھ گلستان کالونی میں موجود تھا، میاں بیوی کے درمیان نامعلوم وجوہات پر جھگڑا ہوا، موقع پر گئے تو سخاوت کے چہرے پر گولی لگی ہوئی تھی۔
- Advertisement -
موقع سے شواہد اکٹھے کر کے اہلکار کی لاش مردہ خانہ منتقل کر دی گئی۔ پولیس نے مقدمے میں مقتول کی دوسری بیوی اور نامعلوم ملزمان کو نامزد کر دیا۔