اسٹیٹ بینک نے کرنٹ اکائونٹ کے حوالے سے اعداد و شمار جاری کیے ہیں، حکومتی اقدامات کے باعث مسلسل چار ماہ کرنٹ اکاونٹ سرپلس میں رہا۔
اے آر وائی نیوز کے مطابق اسٹیٹ بینک آف پاکستان کی جانب سے کرنٹ اکائونٹ کے حوالے سے اعداد و شمار جاری کیے گئے ہیں، حکومتی اقدامات کے باعث مسلسل چار ماہ کے دوران کرنٹ اکاونٹ سرپلس میں رہا ہے۔
جون 2023 میں کرنٹ اکاونٹ 33 کروڑ 40 لاکھ ڈالر سرپلس میں رہا جب کہ مئی 2023 میں بھی کرنٹ اکاونٹ 22 کروڑ ڈالر سرپلس میں رہا تھا۔
اسٹیٹ بینک کے مطابق مالی سال 2023 میں کرنٹ اکاونٹ خسارہ 2 ارب 55 کروڑ 70 لاکھ ڈالر رہا، مالی سال 2022 میں کرنٹ اکاونٹ خسارہ 17 ارب 48 کروڑ ڈالر کی بلند سطح پر تھا۔
ماہرین کا اس حوالے سے کہنا ہے کہ غیر ضروری درآمدات پر پابندی کی وجہ سے گزشتہ مالی سال کے مقابلے کرنٹ اکاونٹ خسارہ میں نمایاں کمی واقع ہوئی ہے۔
