ناشتے میں سلاد کھانا بیماریوں سے بچانے میں معاون -
The news is by your side.

Advertisement

ناشتے میں سلاد کھانا بیماریوں سے بچانے میں معاون

ایک طویل عرصے سے ماہرین کے درمیان بحث جاری ہے کہ دن کے پہلے کھاںے یعنی ناشتے میں کون سی غذائیں شامل کی جانی چاہئیں جو دماغ کو بھرپور توانائی پہنچائیں اور جسم کو چاق و چوبند رکھیں۔

یوں تو ناشتے میں کھائی جانے والی اشیا مخصوص ہیں تاہم ماہرین کے مطابق ان اشیا میں اگر سلاد کا اضافہ کردیا جائے تو یہ حیران کن نتائج دے سکتا ہے۔

مزید پڑھیں: ہمارے ناشتہ میں شامل 6 نقصان دہ غذائیں

ایک ماہر غذائیات رتی شاہ کا کہنا ہے کہ ناشتے میں سلاد کھانا آپ کو بے شمار بیماریوں سے تحفظ دے سکتا ہے۔

ان کے مطابق سلاد صرف سبز پتوں کا نام نہیں ہے۔ سلاد میں چنے، خشک میوہ جات اور پھل بھی شامل کیے جاسکتے ہیں۔

طبی ماہرین کے مطابق صبح کے وقت پہلی کھائی جانے والی خوراک چونکہ دماغ کو توانائی پہنچاتی ہے لہٰذا کچی یا ابلی ہوئی سبزیاں کھانا دماغ کو براہ راست ان مفید غذائی اشیا کی فراہمی کرنا ہے۔

مزید پڑھیں: ناشتہ نہ کرنا دل کے جان لیوا دورہ کا سبب

ماہرین کے مطابق ایسا ناشتہ جس میں پھل اور سبزیاں شامل ہوں آپ کو دن بھر چاق و چوبند اور حاضر دماغ رکھے گا۔

یہ ناشتہ آپ کی غذائی ضروریات بھی پوری کرے گا اور جسم کے اندرونی افعال جیسے نظام ہضم اور نظام اخراج کی کارکردگی کو بھی بہتر بنائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں