اسلام آباد : الیکشن کمیشن نے 8 فروری کو انتخابات کیلئے تمام ضروری تیاری کرلی اور پولنگ اسٹیشنز سمیت پولنگ اسٹاف کی فہرستیں تیارکر لی گئی ہیں۔
تفصیلات کے مطابق نگراں وزیراعظم انوار الحق کاکڑ سے چیف الیکشن کمشنرسکندرسلطان راجہ کی ملاقات کا اعلامیہ جاری کردیا گیا۔
اعلامیے میں کہا گیا ہے کہ چیف الیکشن کمشنر نے وزیراعظم کوانتخابات کی تیاریوں سےمتعلق آگاہ کیا، الیکشن کمیشن نے8 فروری کوانتخابات کیلئےتمام ضروری تیاری کرلی ہے۔
الیکشن کمیشن کے اعلامیے میں کہا ہے کہ پولنگ اسٹیشنزاورپولنگ اسٹاف کی فہرستیں تیارکر لی گئی ہیں اور الیکشن مٹیریل کی پرنٹنگ کا کام اور انتخابی فہرستوں کواپ ڈیٹ کرنے کا کام تکمیل بھی آخری مراحل میں ہے۔
اعلامیے کے مطابق جلدہی تمام اضلاع میں انتخابی فہرستیں پہنچادی جائیں گی، الیکشن کمیشن اپنی آئینی ذمہ داریوں کوخوش اسلوبی سےسرانجام دےگا۔
چیف الیکشن کمشنر نے وزیراعظم کو عام انتخابات کی تیاریوں کاجائزہ لینےکیلئے الیکشن کمیشن کےدورےکرنے کی دعوت دی ہے۔
نگراں وزیراعظم نے یقین دہانی کرائی ہیں کہ عام انتخابات کیلئےالیکشن کمیشن کےساتھ بھرپورتعاون کیا جائے گا اور الیکشن کمیشن کوانتخابات کیلئے درکار فنڈز اور مطلوبہ سیکیورٹی کویقینی بنایا جائے گا۔
