The news is by your side.

الیکشن کمیشن اکتوبر میں عام انتخابات کے لئے تیار

اسلام آباد : الیکشن کمیشن آف پاکستان نے حلقہ بندیوں کا کام مکمل کرلیا اور کہا اب کسی بھی وقت انتخابات کرانے کے لئے مکمل تیار ہے۔

تفصیلات کے مطابق الیکشن کمیشن اکتوبر میں عام انتخابات کے لئے تیار ہوگیا۔

ذرائع نے کہا ہے کہ الیکشن کمیشن نے حلقہ بندیوں پر تمام اعتراضات بھی دور کردئیے ہیں، جس کے بعد تمام قومی اور صوبائی نشستوں کے لئےحلقہ بندیوں مکمل ہوگئی ہے۔

ذرائع کا کہنا ہے کہ الیکشن کمیشن اب کسی بھی وقت انتخابات کرانے کے لئے مکمل تیار ہے۔

یاد رہے الیکشن کمیشن نے سپریم کورٹ میں بھی چار اگست تک حلقہ بندیاں مکمل کرانے کی یقین دہانی کرائی تھی اور کہا تھا کہ ملک بھر میں حلقہ بندیوں کی حتمی فہرست شائع کردی جائے گی۔

واضح رہے کہ پاکستان تحریک انصاف نے نئی حلقہ بندیوں کے شیڈول کے خلاف سپریم کورٹ سے رجوع کیا ہوا تھا۔

پاکستان تحریک انصاف کی جانب سے اسد عمر نے سپریم کورٹ میں درخواست دائر کی، جس میں آرٹیکل 184/3 کےتحت دائر درخواست میں موقف اختیار کیا گیا تھا کہ الیکشن کمیشن کا حلقہ بندیوں کا شیڈول آئین اور قانون کے خلاف ہے، نئی مردم شماری ہونے تک نئی حلقہ بندیوں کی کوئی ضرورت نہیں۔

چیف الیکشن کمشنر سکندر سلطان راجہ کا کہنا تھا کہ الیکشن کمیشن اپنےفیصلے بلا خوف کرتاہےاور کرتا رہےگا، فیصلوں سےکوئی ناراض یا راضی ہوتا ہےیہ انکا مسئلہ ہے۔

Comments

یہ بھی پڑھیں