اسلام آباد: الیکشن کمیشن آف پاکستان نے کہا ہے کہ بیلٹ پیپرز کی دوبارہ اشاعت کے لیے کاغذ کی دستیابی اور بروقت چھپائی چیلنج بن گیا ہے۔
تفصیلات کے مطابق بیلٹ پیپرز کی دوبارہ چھپائی کے معاملے پر الیکشن کمیشن نے آج ایک اہم اجلاس منعقد کیا، جن میں مختلف مسائل پر غور و فکر کیا گیا۔
الیکشن کمیشن نے فیصلہ کیا کہ جن حلقوں میں دوبارہ چھپائی کروانا پڑ رہی ہے، ان کو آخر میں چھاپا جائے گا، دوبارہ چھپائی کاغذ اور پرنٹنگ کارپوریشنز کی استعداد، اور وقت کی دستیابی پر منحصر ہوگی۔
الیکشن کمیشن کے مطابق سیکیورٹی کاغذ دستیاب نہ ہوا تو ان حلقوں میں انتخابات مؤخر کرنے کے علاوہ کوئی چارہ نہ ہوگا، کیوں کہ بیلٹ پیپرز کی دوبارہ اشاعت کے لیے کاغذ کی دستیابی اور بروقت چھپائی چیلنج بن گیا ہے۔
الیکشن ڈے پر سندھ کے 10 اضلاع میں تصادم کا خدشہ ہے، رپورٹ
ای سی پی کا کہنا ہے کہ عام انتخابات کے لیے خصوصی کاغذ کی ضرورت 2400 ٹن تھی، بیلٹ پیپر کا سائز کم کر کے اس ضرورت کو 2170 ٹن تک لایا گیا، 2170 ٹن خصوصی کاغذ صرف ایک مرتبہ چھپائی کے لیے بمشکل کافی ہے۔
