کراچی اوراندرون سندھ ایم کیوایم، پی پی اور ف لیگ کے کارکنان میں جھگڑا، متعدد زخمی -
The news is by your side.

Advertisement

کراچی اوراندرون سندھ ایم کیوایم، پی پی اور ف لیگ کے کارکنان میں جھگڑا، متعدد زخمی

کراچی : ملک بھر میں انتخابی گہما گہمی بڑھنے کے ساتھ ساتھ سیاسی جماعتوں کے کارکنوں کا پارہ بھی ہائی ہوتا جارہا ہے، کراچی اور خیرپور میں ریلیوں کے دوران تصادم کےنتیجے میں بارہ افراد زخمی ہوگئے۔

تفصیلات کے مطابق الیکشن 2018کے سلسلے میں سندھ بھر میں سیاسی کارکنان اپنی جماعتوں کی مہم زور شور سے چلا رہے ہیں اس دوران مختلف مقامات پر کارکنا ن میں تلخ کلامی کے واقعات بھی رونما ہوئے ہیں۔

کراچی کے علاقے شاہ فیصل کالونی نمبر پانچ میں ریلی کے دوران ایم کیوایم اور پیپلزپارٹی کارکن آمنے سامنےآگئے، نامعلوم افراد کی ہوائی فائرنگ سے کشیدگی بڑھ گئی، ایک سیاسی جماعت کے کیمپ میں توڑ پھوڑ اور پتھراؤ دو افراد زخمی ہوگئے۔

خیرپورمیں پیپلزپارٹی اورفنکشنل لیگ کے کارکنوں میں تصادم کے دوران ہوائی فائرنگ کی گئی، جس کے نتیجے میں  دس سے زائد کارکن ڈنڈے اور لاٹھیاں لگنے سے  زخمی ہوگئے، واقعہ پی پی امیدوارجاویدشاہ، نواب وسان کی ریلی کے دوران پیش آیا۔

اس کے علاوہ گھوٹکی میں متحدہ مجلس عمل کے امیدوار نے الیکشن کمیشن کے ضابطہ اخلاق کی دھجیاں اڑا دیں، ایم ایم اے کے امیدوارکی ریلی میں کھلے عام اسلحے کی نمائش کی گئی، امیدوارجام سیف اللہ کےٹرک پر سوار افراد اسلحے کی نمائش کرتے رہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں