اسلام آباد: بجلی فی یونٹ 14 روپے ریلیف کے سلسلے میں پنجاب حکومت نے 5 بجلی تقسیم کار کمپنیوں کو ایڈوانس ادائیگی کا فیصلہ کر لیا ہے۔
تفصیلات کے مطابق پنجاب حکومت نے ڈسکوز سے فی یونٹ 14 روپے ریلیف پر آنے والی رقم کا تخمینہ مانگ لیا، ڈسکوز سے 19 اگست تک ریلیف کے لیے درکار مالی ضروریات کا تخمینہ مانگا گیا ہے۔
صوبائی حکومت نے پنجاب کو بجلی فراہم کرنے والی 5 ڈسکوز کو الگ الگ خط لکھا، لاہور، اسلام آباد، فیصل آباد، ملتان اور گوجرانوالہ الیکٹرک کمپنیوں کو خط لکھے گئے۔
- Advertisement -
بینظیر انکم سپورٹ پروگرام کے حوالے سے عوام کے لیے خوشخبری
فی یونٹ 14 روپے ٹارگٹڈ ریلیف کا اطلاق ماہانہ 201 سے 500 یونٹ پر ہوگا، بجلی کے ٹیرف میں ریلیف کا اطلاق اگست اور ستمبر 2024 کے بلوں میں ہوگا، بشمول ٹیکسز و ڈیوٹیز پنجاب حکومت بجلی کے فی یونٹ پر 14 روپے ریلیف دے گی۔
