بارکھان کے رکنی بازار میں دھماکا ہوا ہے جس میں 4 افراد جاں بحق جب کہ 12 افراد زخمی ہوگئے ہیں زخمیوں کو اسپتال منتقل کیا جا رہا ہے۔
اے آر وائی نیوز کے مطابق بارکھان کے رکنی بازار میں دھماکا ہوا ہے جس میں اب تک کی اطلاعات کے مطابق 4 افراد جاں بحق جب کہ 12 زخمی ہوگئے ہیں جنہیں اسپتال منتقل کیا جا رہا ہے۔ زخمیوں میں 2 بچیاں بھی شامل ہیں
دھماکے کی اطلاع ملتے ہیں ریسکیو اور قانون نافذ کرنے والے ادارے جائے وقوعہ پر پہنچ چکے ہیں جب کہ پولیس نے علاقے کو گھیرے میں لے لیا ہے۔ پولیس کے مطابق بازار میں کھڑی موٹر سائیکل میں بم نصب کیا گیا تھا۔
