کراچی : صوفی عبدالقیوم کی مبینہ ٹارگٹ کلنگ کے واقعے کے عینی شاہد نے بتایا مسلح ملزمان نے مولانا کے سر کے پیچھے رکھ کر گولی چلائی۔
تفصیلات کے مطابق کراچے کے علاقے گلستان جوہرمیں مولانا صوفی عبدالقیوم کی مبینہ ٹارگٹ کلنگ کے واقعے پر پڑوسی نے اے آر وائی نیوز سے گفتگو میں کہا کہ نماز پڑھ کرجیسے ہی گھر میں داخل ہوا گولی کی آواز آئی، باہر دیکھا تو گلی میں مولانا کی لاش موجود تھی۔
پڑوسی صوفی عبدالقیوم نے بتایا کہ 2 افراد لاش کے پاس موجود تھے، دونوں نے واقعہ اپنی آنکھوں سے دیکھا، ون ٹو فائیو موٹر سائیکل سوار 2 ملزمان گلی سے آئے۔
ان کا مزید کہنا تھا کہ ملزمان اور مولانا میں دو تین باتیں بھی ہوئی، مسلح ملزمان نے سر کے پیچھے رکھ کر گولی چلائی اور فرار ہوگئے تاہم پولیس نے دونوں عینی شاہدین کا بیان ریکارڈ کر لیا ہے۔
یاد رہے کراچی کے علاقے گلستان جوہر بلاک 9 میں نامعلوم ملزمان کی جانب سے فائرنگ کے نتیجے میں مولانا عبد القیوم صوفی جاں بحق ہوگئے تھے۔
پولیس نے بتایا تھا کہ مقتول مولانا عبدالقیوم صوفی نماز پڑھا کر واپس گھر آرہے تھے کہ انہیں نشانہ بنایا گیا، موٹر سائیکل سوار 2ملزمان نے مقتول کو نشانہ بنایا، مقتول کے سر پر ایک گولی لگی جو جان لیوا ثابت ہوئی۔
