فیصل آباد: پنجاب کے شہر فیصل آباد کے ایک نجی اسپتال میں ڈاکٹروں نے ہم نام خواتین کے غلط آپریشن کر دیے۔
تفصیلات کے مطابق فیصل آباد کے نجی اسپتال میں ڈاکٹروں کی مبینہ غفلت کا شرمناک واقعہ پیش آیا ہے، جہاں دو خواتین کے ایک جیسے نام ہونے پر غلط آپریشن کر دیے گئے۔
فیصل آباد کے علاقے غلام محمد آباد کے نجی اسپتال میں ڈاکٹروں نے زیر علاج مقامی خاتون مریضہ پروین کوثر کا گھٹنے کی بجائے پتے کا جب کہ چک 58 کی رہائشی کوثر پروین کے پتے کی بجائے گھٹنے کا آپریشن کر دیا۔
- Advertisement -
پتے کے غلط آپریشن کے باعث مریضہ پروین کوثر کی حالت تشویش ناک ہو گئی ہے، متاثرہ خواتین مریضوں کے اہل خانہ نے غفلت برتنے والے ڈاکٹروں کے خلاف کارروائی کے لیے پولیس سے رابطہ کر لیا ہے۔
