فیصل آباد : شہری نے گولی لگنے کے باوجود ڈاکو کو بھاگنے پر مجبور کردیا -
The news is by your side.

Advertisement

فیصل آباد : شہری نے گولی لگنے کے باوجود ڈاکو کو بھاگنے پر مجبور کردیا

فیصل آباد : شہری نے بہادری کا مظاہرہ کرتے ہوئے موٹرسائیکل چھیننے کی کوشش پر مزاحمت کرکے ڈاکو کو گرالیا، گولی لگنے کے باوجود ہار نہ مانی ڈاکو فرار ہونے میں کامیاب ہوگیا۔

تفصیلات کے مطابق فیصل آباد ریلوےاسٹیشن کے قریب ڈاکو نے موٹر سائیکل چھیننے کے دوران مزاحمت پر نوجوان کو گولی مار کر زخمی کردیا، زخمی ہونے کے باوجود نوجوان نے ہمت نہ ہاری۔

شہری نے مسلح ڈاکو کو ناکوں چنے چبوادیے اور ڈاکو کو بھاگنے پر مجبور کردیا، پولیس چوکی کے سامنے واردات کے باوجود کوئی اہلکار بچانے نہ آیا۔ واقعہ چار ستمبر کو پیش آیا۔

فوٹیج میں دیکھا جاسکتا ہے کہ محمد شیراز نے مزاحمت کی جس پر ڈاکو نے گولی چلادی جو شیراز کے بازو کو چھوتی ہوئی پاؤں میں جا لگی۔ شیراز نے ہمت نہ ہاری اس دوران موٹرسائیکل گرگئی، ڈاکو نے موٹرسائیکل اٹھانے کی کوشش کی تاہم شیراز نے ڈاکو کو زمین پر گرالیا۔

آس پاس کھڑے لوگ اسے تماش بینوں کی طرح دیکھتے رہے لیکن بیچ میں کوئی نہ آیا، شیراز کی بہادری نے ڈاکو کو خالی ہاتھ بھاگنے پر مجبورکردیا، واردات پولیس چوکی کے عین سامنے پیش آئی لیکن کوئی اہلکار جائے واردات پر نہ پہنچا ۔

اس کے علاوہ قریب ہی سی آئی اے اور پولیس کا آفس بھی ہے، ایف آئی آر میں بھی ڈکیتی کے بجائے صرف فائرنگ کا ذکر کیا گیا ہے۔

Comments

comments

یہ بھی پڑھیں