خوفناک حادثے میں محفوظ رہنا معجزہ ہے،فاروق ستار -
The news is by your side.

Advertisement

خوفناک حادثے میں محفوظ رہنا معجزہ ہے،فاروق ستار

کراچی : ایم کیوایم پاکستان کے سربراہ فاروق ستار نے اسپتال سے چھٹی دیے جانے کے بعد میڈیا سے بات کرتے ہوئے اللہ کا شکر ادا کیا اور کہا کہ خوفناک ایکسیڈنٹ بچ جانا معجزہ ہے۔

میڈیا مقامی اسپتال کے باہر میڈیا سے بات کرتے ہوئے انہوں نے کہا کہ خوفناک حادثے کے باوجود محفوظ رہنا کسی مرجزے سے کم نہیں یہ میرے لئے اللہ کی طرف سے عیدی ہے۔

انہوں نے مزید کہا کہ ایکسیڈنٹ بہت خوفناک تھا لیکن میری ماوں، بیٹیوں ،بھائیوں اوربہنوں کی دعائیں رنگ لائیں ان کی دعاوں کا حق ادا کرنا میرے لئے ممکن نہیں میرے صرف پٹھوں اور ہاتھوں پر چوٹیں آئیں اس لیے مجھے ڈاکٹروں نے آرام کا مشورہ دیا ہے۔

ایک سوال کے جواب میں انہوں نے کہا کہ مجھے معلوم ہوا ہے کہ ندیم نصرت سمیت لندن میں موجود لوگوں نے بھی دعائیں کی لیکن ان سے کوئی رابطہ نہیں ہوا البتہ ٹویٹر پران کے پیغامات آئے اسی طرح معلوم چلا ہے کہ متحدہ قائد نے بھی ٹویٹرپرخیریت کا پیغام بھیجا۔

اس موقع پر ڈاکٹر فاروق ستار نے وزیراعظم ، وزیراعلی سندھ اور گورنر سندھ سمیت تمام سیاسی دوستوں،ہسپتال کے عملے اور میڈیا کے دوستوں کا بھی بہت شکریہ ادا کرتے ہیں اور بالخصوص اس بات پرسب سے زیادہ خوشی ہے کہ جماعت اسلامی نے ایک نہیں بلکہ دو دو وفد بھیجے۔

انہوں نے صحافیوں کو بتایا کہ ڈاکٹرز نے انہیں مکمل آرام کا مشورہ دیا ہے لیکن جماعت کی تنظیمی سرگرمیاں بھی شروع کرنا ہیں اس لیے میں اپنی سیاسی سرگرمیاں فوری طورپرشروع کر دوں گا۔

بعد ازاں ڈاکٹر فاروق ستار اسپتال سے اپنے گھر کی جانب روانہ ہوگئے جہاں اُن کے پرتپاک استقبال کی تیاریاں مکمل ہیں کارکنان کی بڑی تعداد ہاتھوں میں پھول لیے اپنے رہنما کی آمد کے منتظر ہیں۔

Comments

comments

یہ بھی پڑھیں