پاکستان تحریک انصاف کے مرکزی رہنما فواد چوہدری نے کہا ہے کہ عید پر عوام علی امین گنڈاپور اور دیگر کارکنوں کا دعاؤں میں یاد رکھیں۔
اے آر وائی نیوز کے مطابق پاکستان تحریک انصاف کے مرکزی رہنما فواد چوہدری نے سماجی رابطوں کی ویب سائٹ ٹوئٹر پر پاکستانی عوام سے اپیل کی ہے کہ وہ عید کے موقع پر علی امین گنڈاپور اور پارٹی کے دیگر کارکنوں کو یاد رکھیں۔
فواد چوہدری کا کہنا تھا کہ یہ ان ہزاروں لوگوں میں شامل ہیں جو جمہوریت کیلیے جدوجہد کر رہے ہیں اور اسی جدوجہد کی پاداش می فسطائی حکومت کے نشانے پر آئے اور ظلم برداشت کر رہے ہیں۔
اس عید پر علی امین گنڈا پور، اعصام الحق اور درجنوں دیگر کارکنان کو اپنی خصوصی دعاؤں میں یاد رکھیں یہ لوگ ان ۂزاروں لوگوں میں شامل ہیں جو پاکستان میں جمہوریت کیلئے جدوجہد کرتے ہوئے اس فسطائ حکومت کے نشانے پر آئے اور ظلم برداشت کر رہے ہیں
— Ch Fawad Hussain (@fawadchaudhry) April 21, 2023
واضح رہے کہ پی ٹی آئی رہنما اور سابق وفاقی وزیر علی امین گنڈاپور کو آج عدالت سے جوڈیشل کسٹڈی میں دیے جانے کے فیصلے کے بعد انہیں سکھر سینٹرل جیل منتقل کر دیا گیا ہے۔