جمعیت علمائے اسلام (جے یو آئی) کے سربراہ مولانا فضل الرحمان نے چیف جسٹس آف پاکستان کے استعفے کا مطالبہ کردیا۔
پاکستان ڈیمو کریٹ موومنٹ (پی ڈی ایم) کے سربراہ اور جے یو آئی کے سربراہ مولانا فضل الرحمان نے ٹوئٹ میں کہا ہے کہ متنازع فیصلوں سے سپریم کورٹ جیسے معزز ادارے کو تقسیم کیا گیا۔
چیف جسٹس عمرعطاء بندیال نے جسطرح اپنے متنازعہ فیصلوں سےسپریم کورٹ جیسے معزز ادارےکوتقسیم کیا ھےاوراسکو ملک کے سپریم ادارے پارلیمنٹ سےمحاذ آرائ کی پوزیشن پر لاکراس ملک اورریاست کو جسطرح کےبحران میں مبتلاکیا ھے اسکاواحدحل اب انکااستعفی ھے،انکو بغیرکسی تاخیرکےاب استعفی دیدینا چاھئیے
— Maulana Fazl-ur-Rehman (@MoulanaOfficial) April 7, 2023
پی ڈی ایم کے سربراہ ٹوئٹ میں لکھتے ہیں سپریم کورٹ کو پارلیمنٹ سے محاذ آرائی کی پوزیشن پر لاکر ملک کو بحران میں مبتلا کیا گیا۔
مولانافضل الرحمان نے ٹوئٹ میں مزدید لکھا کہ چیف جسٹس آف پاکستان جسٹس عمر عطا بندیال کا استعفیٰ واحد حل ہے، ان کو بغیر کسی تاخیر کے مستعفی ہوجانا چاہیے۔