اسلام آباد : آئی ایم ایف کی شرط پر نان فائلرز کے بجلی، گیس، موبائل کنکشن منقطع کرنے کا انتباہ جاری کردیا گیا۔
تفصیلات کے مطابق آئی ایم ایف کی شرط پر نان فائلرز کیخلاف گھیرا تنگ کردیا گیا، ذرائع نے بتایا کہ رواں مالی سال 15 لاکھ افراد کو ٹیکس نیٹ میں لانےکا ہدف ہے، ملک میں 145ڈسٹرکٹ ٹیکس آفیسرز کو خصوصی اختیارات دے دیئے گئے ہیں۔
ذرائع کا کہنا تھا کہ نان فائلرز کے بجلی، گیس، موبائل کنکشن منقطع کرنے کا انتباہ جاری کردیا ہے، ایف بی آر 15 جنوری سے ملک گیر کارروائیوں کا آغاز کرے گا۔
ذرائع کے مطابق نان فائلرز کےبجلی اور گیس کے میٹر منقطع کیے جائیں گے جبکہ ایف بی آر 15 جنوری سے نان فائلرز کی موبائل سم معطل کرے گا۔
ایف بی آر کی جانب سے نان فائلرز کو حتمی نوٹس جاری کر دیئے گئے، ٹیکس گوشوارے فائل نہ کرنےکی صورت میں قانون حرکت میں آئے گا،۔
حکام ایف بی آر کا کہنا تھا کہ ٹیکس قوانین پر عمل نہ کرنے والوں کیخلاف ایکشن لیا جائے گا، ایف بی آر نے لاکھوں نان فائلرز کو نوٹسز جاری کر دیئے۔
