لاہور : عمرے کی آڑ میں بھیک مانگنے کیلئے سعودی عرب جانیوالے چار مسافر گرفتار کرلئے گئے، ملزمان کوسعودی عرب پہنچنے پرپاکستانی ایجنٹوں نے وصول کرنا تھا۔
تفصیلات کے مطابق اینٹی ہیومن ٹریفکنگ سرکل لاہور نے کارروائی کرتے ہوئے عمرے کی آڑ میں بھیک مانگنے کیلئے سعودی عرب جانیوالے چار مسافروں کو گرفتار کرلیا۔
ترجمان ایف آئی اے نے بتایا کہ مسافروں میں دو خواتین اور دو مرد شامل ہیں، ملزمان بھیک مانگنے کیلئے متعدد بار سعودی عرب، ایران اور عراق جا چکے ہیں۔
- Advertisement -
ترجمان کا کہنا تھا کہ ملزمان کو سعودی عرب پہنچنے پر پاکستانی ایجنٹوں نے وصول کرنا تھا، ملزمان اور ایجنٹوں کےخلاف مقدمہ درج کرکے تفتیش کی جارہی ہے۔
ابتدائی تحقیقات میں ملزمان نے انکشاف کیا ہے کہ بھیک کے ذریعے کمائی رقم کا آدھا حصہ سب ایجنٹ کو دینا تھا۔
