لاہور : معروف ماہرقانون اظہر صدیق کے گھر پر نامعلوم افراد نے فائرنگ کی اور پیٹرول بم سے حملہ کردیا، تاہم پٹرول بم پھٹ نہ سکا۔
تفصیلات کے مطابق لاہور میں معروف ماہرقانون اظہر صدیق کے گھر پر نامعلوم افراد کی جانب سے فائرنگ اور پیٹرول بم حملہ کیا گیا۔
تین گولیاں کھڑکی پر لگیں تاہم پیٹرول بم پھٹ نہ سکا، واقعے کے بعد پولیس کو اطلاع دیدی گئی جبکہ سی سی ٹی وی فوٹیج بھی سامنے آگئی ، جس میں حملہ آور پیٹرول بم پھینکتے ہوئے نظر آرہے ہیں۔
- Advertisement -
اظہر صدیق ایڈوکیٹ نے کہا کہ دہشت گردی کا واقعہ ہے، ایف آئی آر درج کراؤں گا، عمران خان نظریے کی جنگ لڑ رہا ہے، اس سے پیچھے نہیں ہٹیں گے۔
ان کا کہنا تھا کہ ابھی سپریم کورٹ جا رہا ہوں، واپسی پر تگڑی ایف آئی آردرج کراؤں گا۔ ڈرنے والا نہیں ہوں۔
