برلن: جرمنی میں فائرنگ کے نتیجے میں دو افراد ہلاک ہوگئے جبکہ حملہ آور بھی موقع پر مارا گیا۔
تفصیلات کے مطابق جرمنی کے شہر مینوخ میں فائرنگ کے نتیجے میں دو افراد ہلاک ہوگئے جبکہ حملہ آور بھی مارا جاچکا ہے۔
غیر ملکی خبر رساں ادارے کا کہنا ہے کہ میونخ میں فائرنگ کا واقعہ علی الصبح پیش آیا، واقعے سے متعلق پولیس نے تحقیقات شروع کردی ہے۔
پولیس کے مطابق واقعے کے فوری بعد علاقے کو گھیرے میں لے کر تحقیقات شروع کردی گئی، جائے وقوعہ سے شواہد اکھٹے کیے جارہے ہیں۔
حملہ آور کی شناخت اب تک واضح نہیں کی گئی، پولیس نے واقعے کو دہشت گردی سے منسلک کرنے کو قبل از وقت قرار دیا ہے۔
پولیس حکام کا کہنا ہے کہ ابھی تحقیقات کا عمل جاری ہے، مکمل تفصیلات کے بعد حقائق منظر عام پر لائے جائیں گے۔
خیال رہے کہ جرمن دارالحکومت برلن ميں دسمبر سن 2016 ميں ہونے والے دہشت گردانہ حملے کے بعد جرمن حکام ايسے واقعات سے نمٹنے کے ليے چوکنا رہتے ہيں۔
جرمنی: انسباخ میں مسلح شخص کی فائرنگ، 2افراد ہلاک
خیال رہے کہ جولائی 2015 میں ایک شخص نے شمالی بویریا کے شہر انسباخ میں دو افراد کو گولی مارکر ہلاک کر دیا تھا۔
بعد ازاں پولیس نے کا کہنا تھا ک حملہ آور نے پہلے اپنی گاڑی سے گولی مار کر ایک بیاسی سالہ عورت کو ہلاک کیا بعد میں اس نے ایک سائیکل سوار شخص پر فائرنگ کرکے مار ڈالا۔
