اسلام آباد : ترجمان دفتر خارجہ نے پاکستان میں دہشت گردی میں افغان شہریوں کے ملوث ہونے کی تصدیق کردی۔
تفصیلات کے مطابق ترجمان دفتر خارجہ ممتاز زہرہ بلوچ نے ہفتہ وار بریفنگ دیتے ہوئے کہا کہ ژوب حملے میں افغان سرزمین کے استعمال پر افغان حکام سے رابطے میں ہیں اور حملہ آوروں کی شناخت پر تحقیقات جاری ہیں۔
ترجمان نے پاکستان میں دہشت گردی میں افغان شہریوں کے ملوث ہونے کی تصدیق کرتے ہوئے کہا ژوب میں مارے گئے دہشت گرد افغان شہری تھی۔
- Advertisement -
یاد رہے ژوب کینٹ میں دہشتگردی میں ملوث افغان دہشتگردوں کی تصدیق ہوئی تھی ، حملہ 12 جولائی کو ہوا تھا جس میں تین دہشتگرد ملوث تھے۔
دفتر خارجہ کی جانب سے جاری کردہ بیان میں بتایا گیا تھا کہ تینوں دہشتگردوں کی شناخت افغان شہریوں کے طور پر ہوگئی، دہشت گردوں کا تعلق افغانستان کے صوبہ قندھار سے ہے۔