اسلام آباد : بانی پی ٹی آئی کا اسلام آباد ہائیکورٹ کےچیف جسٹس عامر فاروق پر عدم اعتماد کا اظہارکردیا تاہم چیف جسٹس کیخلاف عدم اعتماد کی درخواست پر رجسٹرارآفس نےاعتراضات عائد کردیے۔
تفصیلات کے مطابق بانی پی ٹی آئی نے اسلام آباد ہائی کورٹ کےچیف جسٹس عامرفاروق کیخلاف عدم اعتمادکی درخواست دائر کردی۔
چیف جسٹس کیخلاف عدم اعتمادکی درخواست پر رجسٹرارآفس نے اعتراضات عائد کردیئے ، جس میں کہا ہے کہ درخواست میں قابل اعتراض اورعدلیہ کو اسکینڈلائز کرنے والی لینگویج استعمال کی گئی، مقدمات کی منتقلی سے متعلق ایسی درخواست کو انٹرٹین نہیں کیا جا سکتا۔
یاد رہے بانی پی ٹی آئی نے اپنے کیسز میں چیف جسٹس کو بینچ سے الگ ہونے کیلئےدرخواست دائر کی تھی، جس میں مؤقف اختیار کیا تھا کہ انٹراکورٹ اپیلوں کے علاوہ ہر سنگل اور2 رکنی بینچ میں چیف جسٹس نے خود کوشامل کیا۔
درخواست میں کہا گیا کہ اب تک بانی پی ٹی آئی کی 120 درخواستوں پر چیف جسٹس عامرفاروق سماعت کرچکے، چیف جسٹس کی وجہ سےبانی پی ٹی آئی کیخلاف توشہ خانہ کیس کا ٹرائل خلاف قانون چلایاگیا۔
درخواست گزار کی طرف سےسنگل بینچ پر اعتراض کے بعد 3رکنی بینچ تشکیل دیا گیا، بینچ نے اکثریتی فیصلہ دیتے ہوئےبانی پی ٹی آئی کیخلاف درخواست کومسترد کیا، چیف جسٹس نے نہ صرف فیصلےکوویب سائٹ سےہٹوایابلکہ پریس ریلیز بھی جاری کی، درخواست گزار کو چیف جسٹس عامر فاروق سے انصاف ملنے کی توقع نہیں رہی۔
