فرانس کا مشہور زمانہ ایفل ٹاور ایرانی حکومت کیخلاف برسر احتجاج مظاہرین کی حمایت میں روشنیوں سے تحریر کردہ نعروں سے جگمگا اٹھا۔
اے آر وائی نیوز کے مطابق گزشتہ سال 22 سالہ کُرد خاتون مہسا امینی کی پولیس حراست میں ہلاک ہو گئی تھی۔ انہیں ایرانی قانون کے مطابق سر ڈھانپے بغیر بازار میں گھومنے پر گرفتار کیا گیا تھا۔
16 ستمبر کو مہسا امینی کی موت کے بعد ایران مسلسل چار ماہ سے عوامی احتجاج کی زد میں ہے اور احتجاج کرنے اور ان کی حمایت پر اب تک دو افراد کو پھانسی اور ہزاروں افراد کو جیل بھیجا جا چکا ہے تاہم احتجاج نہ رکنے والا سلسلہ جاری ہے۔
دنیا کے مختلف ممالک کی جانب سے ایرانی مظاہرین کی حمایت کا اعلان کیا جا رہا ہے۔ اب فرانس میں مشہور زمانہ ایفل ٹاور کو روشنیوں سے جگمگا کر ایرانی مظاہرین کی حمایت کا انوکھا مظاہرہ کیا گیا ہے۔
Video of the Eiffel Tower tonight in Paris with #WomanLifeFreedom and #StopExecutionsInIran projected on it in honor of the people of #Iran. #France should match this gesture with action in supporting EU listing #IRGCterrorists. pic.twitter.com/mcRtm3w68D
— Jason Brodsky (@JasonMBrodsky) January 16, 2023
پیرس کا ایفل ٹاور ایران میں اپنے حقوق کیلیے لڑنے والے ایرانیوں کے حق میں جگمگا اٹھا۔ ایفل ٹاور پر روشنیوں کے ذریعے مظاہرین کے حق میں نعرے تحریر کیے گئے۔ اس موقع پر شہریوں کی بڑی تعداد بھی موجود تھی جنہوں نے ایرانی حکومت کے خلاف شدید نعرے بازی کی۔