فرانسیسی مشیر کا کہنا ہے کہ چین روس کو ایسے آلات بھیج رہا ہے جو فوجی مقاصد کے لیے استعمال ہو سکتے ہیں۔
فرانسیسی صدر ایمانوئل میکرون کے اعلیٰ سفارتی مشیر کا کہنا ہے کہ چین روس کو ایسی اشیاء فراہم کر رہا ہے جنہیں فوجی سازوسامان کے طور پر استعمال کیا جا سکتا ہے۔
اسپین سیکیورٹی فورم میں یہ پوچھے جانے پر کہ کیا مغرب نے اس بات کا کوئی ثبوت دیکھا ہے کہ چین نے روس کو کسی بھی طرح سے مسلح کیا ہے؟ تو ایمانوئل بون نے کہا کہ جی ہاں، ایسے اشارے مل رہے ہیں کہ وہ کام کر رہے ہیں جو ہم پسند نہیں کریں گے۔
ان کا کہنا تھا کہ جہاں تک ہم جانتے ہیں، وہ روس کو بڑے پیمانے پر فوجی صلاحیتیں فراہم نہیں کر رہے لیکن [ہمیں اس کی ضرورت ہے] کوئی ترسیل نہیں ہو رہی۔
فرانسیسی حکام نے امریکی نشریاتی ادارے سی این این کو بتایا کہ بون دوہری استعمال کی ٹیکنالوجیز اور غیر مہلک امداد جیسے ہیلمٹ اور باڈی آرمر دونوں کا حوالہ دے رہے تھے۔
واضح رہے کہ چین نے بارہا روس کو فوجی سازوسامان بھیجنے کی تردید کی ہے۔