ریاض: فرانسیسی وزیر ثقافت نے سعودی عرب کے دورے کے دوران یونیسکو کی تاریخی سائٹ کا دورہ کیا، انہوں نے وہاں موجود ایک قدیم جامع مسجد الشافعی کا بھی دورہ کیا۔
بین الاقوامی ویب سائٹ کے مطابق فرانسیسی وزیر ثقافت ڈاکٹر روزلین باچلو نے جدہ کے تاریخی علاقے کا دورہ کیا جسے یونیسکو کے عالمی ثقافتی ورثے کی فہرست میں درج کیا گیا ہے۔
فرانسیسی وزیر ڈاکٹر روزلین سرکاری دورے پر سعودی عرب میں ہیں جہاں انہوں نے جدہ کے قدیم تاریخی علاقوں کا دورہ کیا اور عہد رفتہ کی تعمیرات کا جائزہ لیا۔
فرانسیسی وزیر ثقافت نے جدہ کے قدیم علاقے بلد میں واقع بیت نصیف کے علاوہ جامع مسجد الشافعی کا بھی دورہ کیا جہاں انہیں علاقے کی تاریخ اور دیگر تفصیلات سے بھی آگاہ کیا گیا۔
انہوں نے بیت النصیف میں رکھی گئی نوادرات اور عہد قدیم میں استعمال ہونے والی اشیا میں خصوصی دلچسپی کا اظہار کیا، فرانس کی وزیر سیاحت کو جدہ کے تاریخی علاقے کی سیر بھی کرائی گئی۔
