The news is by your side.

جی ڈی اے کا قومی اسمبلی سے مستعفی نہ ہونے کا اعلان

پاکستان تحریک انصاف کی اتحادی جماعت جی ڈی اے نے پی ٹی آئی کے برعکس قومی اسمبلی سے مستعفی نہ ہونے کا اعلان کیا ہے

اے آر وائی نیوز کے مطابق پی ٹی آئی کی اتحادی جماعت جی ڈی اے نے قومی اسمبلی سے مستعفی نہ ہونے کا اعلان کیا ہے اس حوالے سے جی ڈی اے کی ایم این نے سائرہ بانو نے میڈیا سے گفتگو کی ہے۔

سائرہ بانو نے میڈیا سے گفتگو کرتے ہوئے کہا کہ جی ڈی اے کے تین اراکین قومی اسمبلی ڈاکٹر فہمیدہ مرزا، غوث بخش مہر اور میں یعنی سائرہ بانو ہیں اور ہم تینوں اسمبلی سے استعفیٰ نہیں دینگے۔

انہوں نے کہا کہ یہ پارٹی کا فیصلہ اور ہم آئین کی پاسداری کرتے ہوئے اسمبلی میں بیٹھیں گے۔

واضح رہے کہ اس سے قبل پی ٹی آئی نے قومی اسمبلی سے مستعفی ہونے کا اعلان کیا تھا۔

مزید پڑھیں: پی ٹی آئی نے وزیراعظم کے الیکشن کے بائیکاٹ کا اعلان کردیا

قومی اسمبلی کا اجلاس شروع ہونے کے کچھ دیر بعد ہی پی ٹی آئی کی جانب سے وزارت عظمیٰ کے امیدوار شاہ محمود قریشی نے وزارت عظمیٰ کے انتخاب کے بائیکاٹ کا اعلان کیا اور اس کے فوری بعد تمام اراکین قومی اسمبلی ایوان سے واک آؤٹ کرگئے۔

Comments

یہ بھی پڑھیں