ترک صدر کی جرمن چانسلر سے ملاقات، تعلقات کی بہتری پر زور: Germany, Turkey
The news is by your side.

Advertisement

ترک صدر کی جرمن چانسلر سے ملاقات، تعلقات کی بہتری پر زور

برلن: ترک صدر رجب طیب اردوگان نے جرمن چانسلر انجیلا مرکل سے ملاقات کی، اس دوران دوطرفہ تعلقات کی بہتری پر روز دیا گیا۔

تفصیلات کے مطابق ترکی کے صدر رجب طیب اردوگان اپنے تین روزہ دورے پر جرمنی میں موجود ہیں، انہوں نے آج جرمن چانسلر انجیلا مرکل سے ملاقات کی اور دونوں ملکوں کے درمیان تعلقات میں بہتری پر زور دیا۔

غیر ملکی خبر رساں ادارے کے مطابق مذکورہ ملاقات میں جرمن چانسلر نے ترکی میں آزادی اظہار رائے اور انسانی حقوق کی خلاف ورزی کی شکایت کی۔

مرکل اور اردوگان نے ملاقات کے دوران مشترکہ مفادات سمیت دیگر اہم موضوعات پر تبادلہ خیال جن میں مہاجرین کا مسئلہ بھی شامل ہے۔

انجیلا مرکل کا اس موقع پر ترکی کے ساتھ بہتر تعلقات کی اہمیت کو اجاگر کرتے ہوئے کہنا تھا کہ اقتصادی طور پر مضبوط ترکی جرمنی کے مفاد میں ہے۔

ترکی میں زیر حراست رہنے والی جرمن خاتون صحافی وطن واپس پہنچ گئیں

اس موقع ترک صدر رجب طیب اردوگان نے مطالبہ کیا کہ جرمنی دہشت گردی کے خلاف کارروائیوں میں ہماری مدد کرے، انہوں نے باہمی تعلقات کی مضبوطی پر بھی زور دیا۔

خیال رہے کہ 2016 میں ترکی میں ہونے والی ناکام فوجی بغاوت کے بعد سے برلن اور انقرہ کے تعلقات انتہائی کشیدہ ہیں، ترک حکومت نے دو جرمن شہریوں کو بھی ناکام فوج بغاوت میں ملوث ہونے کے شبہے میں گرفتار کرتے ہوئے سزائیں سنائی تھیں۔

بعد ازاں دونوں ملکوں کے مابین ایک دوسرے کے خلاف سخت بیانات کا تبادلہ بھی ہوا تھا، تاہم گزشتہ برس اکتوبر اور رواں برس فروری میں دونوں جرمن شہریوں کو رہا کر دیا گیا تھا۔

Comments

comments

یہ بھی پڑھیں