بھارت میں موٹر سائیکل پر سوار دو ملزمان نے فون چھیننے کے دوران لڑکی کو منہ کے بل گرادیا۔
بھارتی میڈیا رپورٹس کے مطابق ریاست مدھیہ پردیش کے شہر اندور میں موٹر سائیکل پر سوار دو ملزمان لڑکی سے موبائل فون چھین کر فرار ہوگئے جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ لڑکی فون پر بات کرتے ہوئے سڑک پر چل رہی ہے اس دوران موٹرسائیکل سوار ملزمان پیچھے سے آتے ہیں اور اس کا فون چھین لیتے ہیں۔
لڑکی نے موبائل فون بچانے کی کوشش کی اور اس دوران وہ سڑک پر منہ کے بل گر گئی اور ڈکیت فون چھین کر فرار ہوگئے۔
Indore: Robbery incident captured in CCTV, miscreants ran away after snatching mobile from girl
#Indore #IndoreNews #Crime #CrimeNews #MPNews #MadhyaPradesh pic.twitter.com/5MygeGGm9v
— Siraj Noorani (@sirajnoorani) July 3, 2023
ویڈیو میں دیکھا جاسکتا ہے کہ ملزمان نے اپنا چہرہ کپڑے سے ڈھانپ رکھا ہے۔
میڈیا رپورٹس کے مطابق واقعہ اندور ہائی کورٹ کراسنگ کے علاقے میں پیش آیا، سڑک پر ٹریفک رواں دواں ہے لیکن کسی نے لڑکی کی کوئی مدد نہیں کی۔
پولیس کا کہنا ہے کہ سی سی ٹی وی فوٹیج کی مدد سے واقعے کی تحقیقات جاری ہیں تاہم ابھی تک کوئی گرفتاری عمل میں نہیں آسکی ہے۔