کراچی : پاکستان میں آج بھی فی تولہ سونا مزید مہنگا نئی ریکارڈ سطح پر پہنچ گیا، جس کے بعد تمام سابقہ ریکارڈ ٹوٹ گئے۔
تفصیلات کے مطابق پاکستان کے صرافہ بازاروں میں بھی سونے کی قیمتوں میں اضافے کا رجحان برقرار ہے۔
مقامی مارکیٹوں میں آج بھی سونے کی قیمت نئی بلند سطح پر پہنچ گئی، فی تولہ قیمت 1700 روپے اضافے سے 2 لاکھ 63 ہزار 700 روپے ہوگئی۔
دس گرام کی قیمت 1457 روپے اضافے سے 2 لاکھ 26 ہزار 80 روپے پر جاپہنچی جبکہ چاندی کی فی تولہ قیمت 2950 روپے پر مستحکم رہی۔
عالمی صرافہ مارکیٹ میں سونا 20 ڈالرز اضافے کے بعد 2512 فی اونس کی ریکارڈ سطح پر آگیا۔
خیال رہے سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
Currency Rates in Pakistan Today- پاکستان میں آج ڈالر کی قیمت (arynews.tv)
سونے کو صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدتے ہیں۔
پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی ہے۔
