اسلام آباد : حکومت نے آج ہی قومی اسمبلی اورسینیٹ سے منی بجٹ منظور کرانے کی تیاری کرلی۔
تفصیلات کے مطابق ضمنی بجٹ کی منظوری کے معاملے پر حکومت نے آج ہی قومی اسمبلی اورسینیٹ سے فنائس بل منظورکرانے کی منصوبہ بندی کرلی۔
قائمہ کمیٹی خزانہ آج رپورٹ سینیٹ میں پیش کرے گی، ذرائع کا کہنا ہے کہ سینیٹ آج ہی منظوری دے کر سفارشات قومی اسمبلی کو بھیج دے گا۔
ارکان قومی اسمبلی کو ایوان میں حاضری یقینی بنانے کی ہدایت کردی گئی ہے۔
گذشتہ روز سینیٹ کی قائمہ کمیٹی خزانہ نے ضمنی فنانس بل 2023 کثرت رائے سے منظور کر لیا تھا ، چیئرمین ایف بی آر نے بتایا تھا کہ ضمنی بجٹ کے زریعے 170 ارب روپے کے ٹیکس لگائے گئے ہیں،یہ ریونیو اگلے ساڑھے چار ماہ میں جمع ہوگا، دیگر تمام لگژری اشیاء پر بھی 25 فیصد ٹیکس لگایا جارہا ہے۔
یاد رہے سینیٹ اجلاس کے بعد وزیر خزانہ اسحاق ڈار نے پارلیمنٹ ہاوس کے باہر میڈیا سے گفتگو کرتے ہوئے کہا تھا کہ چیئرمین سینیٹ نے جمعہ تک کا وقت دیا ہے، آئینی طریقہ کار مکمل کرنے کیلئے یہ ضروری عمل ہے،