The news is by your side.

کرکٹ بورڈ نے پی اسی ایل کے ساتویں سیزن کا اعلان کردیا

لاہور : پاکستان کرکٹ بورڈ نے اعلان کیا ہے کہ پی ایس ایل کا ساتواں ایڈیشن آئندہ سال جنوری اورفروری میں ہوگا،

کرکٹ شائقین کو پی سی بی نے اچھی خبر سنا دی، پاکستان سپر لیگ کا اگلا سیزن آئندہ سال کے آغاز میں منعقد کیا جائے گا اس بات کا فیصلہ
پاکستان کرکٹ بورڈ کی طرف سے منعقدہ آن لائن ورچوئل اجلاس میں کیا گیا۔

اس حوالے سے پی سی بی کا کہنا ہے کہ پاکستان کرکٹ بورڈ اور فرنچائزز میں اتفاق رائے ہوگیا ہے، پی سی بی عہدیداران اور فرنچائز آفشلز کے درمیان ٹیلی کانفرنس ہوئی جس میں پی سی ایل سے متعلق اہم فیصلے کیے گئے۔

پی سی بی اور فرنچائز نمائندگان میں طے پایا ہے کہ اگلے سیزن کا پی ایس ایل کا میدان جنوری فروری میں سجایا جائے گا، جس کی تیاریاں جلد شروع کر دی جائیں گی۔

ورچوئل اجلاس میں پاکستان کرکٹ بورڈ کی جانب سے چیف ایگزیکٹیو وسیم خان اور سی ای او سلمان نصیر نے شرکت کی۔

Comments

یہ بھی پڑھیں