راولپنڈی : حکومت پنجاب نے لاہور کے اسپتال ہولی فیملی کو ایک ماہ کیلئے بند کرنے کا فیصلہ کیا ہے جس کا مقصد اس کی تزئین و آرائش کرنا ہے۔
اس حوالے سے ذرائع کا کہنا ہے کہ ہولی فیملی اسپتال لاہور کو تزئین و آرائش کے لیے رواں ماہ بند کر دیا جائے گا۔
ذرائع کے مطابق ایمرجنسی وارڈز، سرجری، میڈیسن، او پی ڈی سمیت تمام وارڈز بند کیے جائیں گے، پنجاب حکومت نے ہولی فیملی اسپتال کی تزئین کیلئے 1 ارب 80 کروڑ جاری کر رکھے ہیں۔
- Advertisement -
یاد رہے کہ بلڈنگ کنٹرول اتھارٹی نے ہولی فیملی اسپتال کی عمارت کو خستہ حال قرار دے رکھا ہے، جو کسی بھی وقت کسی حادثے سے دوچار ہوسکتی ہے۔
ذرائع کا مزید کہنا ہے کہ ہولی فیملی اسپتال آئندہ 3 ماہ کے لیے مکمل طور پر بند رکھا جائے گا، ہولی فیملی اسپتال میں روزانہ 10 سے 15 ہزار مریضوں کو چیک کیا جاتا ہے۔
