بیجنگ: عالمی وبا کرونا کے خلاف برسر پیکار چینی ماہرین نے ڈیلٹا وائرس سے متعلق بڑا دعویٰ کردیا ہے۔
چینی اکیڈمی آف انجینئرنگ کے ماہر تعلیم ژونگ نان شان کا کہنا ہے کہ رواں سال مئی میں گوانگ ژو میں ڈیلٹا قسم کی وبا پر تحقیق نے ثابت کیا کہ مقامی ویکسین اس سے حفاظت کرسکتی ہے، ابتدائی اعداد وشمار کے مطابق ویکسین شدید بیماری کیخلاف سو فیصد ،معتدل بیماری کیخلاف 76.9فیصد ،معمولی بیماری کیخلاف 67.2 فیصد حفاظت اور بغیرعلامات والے کیسز کیخلاف63.2فیصد حفاظت کرتی ہے۔
چینی میڈیا کا کہنا ہے کہ ژانگ جیا جی یونیسکو عالمی ورثہ کا مقام ہے اور یہ اپنے جنگلی پارکس کی وجہ سے مشہور ہے،یہاں وبا اس علاقے میں موسم گرما میں سفر کے عروج کے دوران آئی۔
یہ بھی پڑھیں:ڈیلٹا کے خلاف ایک اور ویکسین کی افادیت سامنے آگئی
بھارتی قسم ڈیلٹا ان دنوں دارالحکومت بیجنگ، صوبہ جیانگ سو، ہونان اور دیگر علاقوں میں پھیلی ہوئی ہے،بیس جولائی کو صوبہ جیانگ سو کے شہر نان جِنگ میں پہلا مثبت کیس رپورٹ ہونے کے بعد سے تین بار نیوکلیک ایسڈ ٹیسٹ کئے جاچکے ہیں اور چند علاقوں میں چوتھی مرتبہ ٹیسٹ کئے جارہے ہیں، بیماری پر قابو پانے اور روک تھام کے محکمہ کے مطابق نان جِنگ میں وبا کی وجہ ڈیلٹا قسم ہے جو کہ نوول کرونا وائرس کی پھیلتی ہوئی ایک لہر ہے۔
تاہم حوصلہ افزا بات یہ ہے کہ ڈیلٹا کا شکار صوبہ ہونان کے شہر چھانگ شا میں حالیہ دنوں کے دوران ویکسین لگوانے کیلئے افراد کی تعداد میں اضافہ ہوا،مویون گلی میں کمیونٹی صحت سہولیاتی مرکز کی سربراہ نے بتایا کہ تین اگست تک ویکسی نیشن مرکز میں تقریباً 55ہزار لوگوں کو 87ہزار سے زائد خوراکیں لگائی جاچکی۔
