اسٹیٹ بینک آف پاکستان نے عید الاضحیٰ کے موقع پر بینکوں کی تعطیلات کا اعلان کردیا۔
اسٹیٹ بینک کی جانب سے جاری اعلامیہ کے مطابق عیدالاضحیٰ کے باعث اسٹیٹ بینک آف پاکستان 29 اور 30 جون کو بند رہےگا۔
عید الاضحیٰ سے قبل بینکوں کا آخری روز بدھ کو ہوگا ، بینک چونکہ ہفتہ اتوار بند رہتے ہیں لہٰذا اس طرح بینک عید الاضحیٰ پر 4 روز ( جمعرات ، جمعہ ، ہفتہ اور اتوار ) کو بند رہیں گے۔
#SBP will remain closed on 29th & 30th June on the occasion of #EidUlAdha2023.https://t.co/GKZb0RoqP7#SBPAnnouncements pic.twitter.com/cW1Iucv0Ui
— SBP (@StateBank_Pak) June 21, 2023
واضح رہے کہ اس سے قبل وفاقی حکومت نے عید الاضحیٰ کے لیے سرکاری تعطیلات کا اعلان کیا تھا۔
وزیراعظم شہباز شریف کی منظوری سےکابینہ ڈویژن نے نوٹیفکیشن کے مطابق ہفتے میں5 دن ( ہفتہ اتوار تعطیل )کھلے رہنے والے دفاتر میں 29 اور 30 جون کو چھٹی ہوگی۔
نوٹیفکیشن کے مطابق عید الاضحیٰ کے لیے ہفتے میں5 دن کھلے رہنے والے دفاتر میں عید پر 2 روز جب کہ 6 دن ( اتوار تعطیل )کھلے رہنے والے دفاتر میں 3 روز کی تعطیل کا اعلان کیا گیا ہے۔