راولپنڈی : شوہر نے تشدد کے بعد بیوی کو گولیاں مار کر قتل کردیا اور فرار ہوگیا ، پولیس نے شوہر ، سسر اور دیگر کیخلاف مقدمہ درج کرلیا ہے۔
تفصیلات کے مطابق راولپنڈی کے تھانہ صادق آباد کی حدود خرم کالونی میں قتل کی لرزہ خیز واردات ہوئی ، جہاں شوہربیوی کوگولیاں مارکرفرارہوگیا، سونیا نامی خاتون کے قتل کا مقدمہ چچا کی مدعیت میں شوہراویس اوردیگرکیخلاف درج کرلیا گیا۔
ایف آئی آر میں کہا گیا ہے کہ سونیا گھر میں مردہ حالت میں پائی گئی، چہرے اور جسم پرتشدد کے نشانات تھے، شوہر اور سسرمحمد اعظم مقتولہ پرتشدد کرتے تھے۔
ایف آئی آر کے متن میں کہنا ہے کہ گھریلو جھگڑے اورتشدد کےباعث طلاق کا کیس بھی زیرسماعت تھا، چھے سال قبل شادی ہوئی، قتل ہونے والی خاتون کے دو بیٹے ہیں۔
مقدمے کے مطابق گھریلو جھگڑے کے باعث سونیا بچوں کے ہمراہ والدین کےگھر پرتھی کہ شوہر اویس نے گھر میں گھس کرفائرنگ کی تاہم پولیس ملزمان کی تلاش میں چھاپے مار رہی ہے۔
