The news is by your side.

Advertisement

میں نے وینٹی لیٹر بنانے کی تجویز دی تھی،فواد چوہدری

اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ میں نے وینٹی لیٹر بنانے کی تجویز دی تھی، انشا اللہ اس ہفتے بنایا گیا وینٹی لیٹر ڈریپ کے پاس چلا جائے گا۔

تفصیلات کے مطابق اے آروائی نیوز کے پروگرام سوال یہ ہے میں گفتگو کرتے ہوئے وفاقی وزیر فواد چوہدری نے کہا کہ 3 ہفتے پہلے ٹیسٹنگ کٹس، وینٹری لیٹرز کے لیے اقدامات اٹھائے گئے تھے۔

فواد چوہدری کا کہنا تھا کہ کرونا ٹیسٹنگ کٹس اس وقت 7 سے 8 ہزار روپے کی ہے،کرونا ٹیسٹ پراپر ٹیسٹنگ نہ گزرنے تک مفید نہیں ہوسکتا۔

وفاقی وزیر برائے سائنس اینڈ ٹیکنالوجی نے کہا کہ میں نے وینٹی لیٹر بنانے کی تجویز دی تھی،انشا اللہ اس ہفتے بنایا گیا وینٹی لیٹر ڈریپ کے پاس چلا جائے گا۔

انہوں نے کہا کہ امید ہے ٹیسٹنگ کٹس اور وینٹی لیٹرز جلد ہی مارکیٹ میں آجائیں گی،مقامی سطح پر ٹیسٹنگ کٹس اور وینٹی لیٹرز کی تیاری کے اقدامات پہلے ہی لے لیے گئے تھے۔ فواد چوہدری کا مزید کہنا تھا کہ پہلے صرف ٹیسٹنگ کٹس چین اور دیگر ممالک ہی بنا رہے تھے۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1526 تک جا پہنچی ہے ،وائرس سے اب تک 14 افراد جاں بحق اور 29 مریض صحت یاب ہوچکے ہیں۔

fb-share-icon0
Tweet 20

Comments

comments

یہ بھی پڑھیں