لاہور: تحریک انصاف کی جیل بھرو تحریک میں مجلس وحدت مسلمین نے بھی شامل ہونے کا اعلان کردیا ہے، جس پر عمران خان کا ٹوئٹ سامنے آیا ہے۔
تفصیلات کے مطابق سماجی رابطے کی یوب سائٹ ٹوئٹر پر جاری بیان میں عمران خان نے تحریک انصاف کی جیل بھرو تحریک میں بھرپورساتھ نبھانے پرعلامہ ناصرعباس سے اظہار تشکر کیا۔
We really appreciate Allama Raja Nasir Abbas & MWM for standing with us in our Jail Bharo tehreek and especially to offer himself for arrest tomorrow in Rawalpindi.
— Imran Khan (@ImranKhanPTI) February 23, 2023
عمران خان نے لکھا کہ جیل بھرو تحریک میں ہمارا ساتھ دینےپرمجلس وحدت مسلمین کا شکریہ ادا کرتا ہوں اور کل راولپنڈی میں خود کو گرفتاری کیلئے پیش کرنےپرناصرعباس کے مشکورہیں۔
واضح رہے کہ آج اسلام آباد میں پریس کانفرنس کرتے ہوئے علامہ راجہ ناصر عباس نے اعلان کیا کہ وہ جیل بھرو تحریک کے سلسلے میں کل راولپنڈی سے گرفتاری دیں گے۔
یہ بھی پڑھیں: جیل بھرو تحریک: شاہ محمود قریشی کو نظر بند کردیا گیا
ان کا کہنا تھا کہ انتخابات میں تاخیر کرکے عوام کے حق پر ڈاکہ ڈالا جارہا ہے ، حکمران ملک کو 70 کی دہائی جیسے حالات کی طرف لے کر جانا چاہتے ہیں ، ملکی معیشت تباہ ہوچکی ہے عوام تاریخ کی بد ترین مہنگائی کا شکار ہیں۔
انہوں نے مزید کہا کہ خوف کا بت ٹوٹ چکا ہے ، تمام لوگوں کو ملک کی خاطر گرفتاریاں دینا ہوں گی۔
