نیپال کے خلاف بھارتی بولرز کی پرفارمنس نے سوشل میڈیا پر نئی بحث چھیڑ دی ہے، شائقین سوال کررہے ہیں کہ اس بولنگ کے ساتھ کیا بھارت پاکستان کے خلاف 266 رنز کا دفاع کرپاتا؟
بھارتی بولرز نیپال کے سامنے وہ کارکردگی دکھانے میں بری طرح ناکام رہے جسی کی ان سے توقع کی جارہی تھی۔ نوآموز سائیڈ کے خلاف انڈین بولرز جدوجہد کرتے نظر آئے اور نیپالی بیٹرز نے کئی خوبصورت شارٹس کھیل کر شائقین سے داد وصول کی۔
یہ بات قابل ذکر ہے کہ پاکستان اور بھارت کے میچ میں پہلے کھیلتے ہوئے انڈین بیٹرز نے پاکستان کو 266 رنز کا ہدف دیا تھا، تاہم بارش کے سبب پاکستان کی بیٹنگ نہ آسکی۔
اب شائقین سوال کررہے ہیں کہ جس طرح کی بولنگ بھارت نے نیپال کے خلاف کی ہے کیا وہ پاکستان کے ورلڈ کلاس بیٹرز بابر اعظم، محمد رضوان، امام الحق وغیرہ کو ہدف کا تعاقب کرنے سے روک پاتے۔
بعض شائقین کا کہنا ہے کہ بھارت کی بولنگ میں دم خم نہیں تھا کہ وہ پاکستان کو ہدف کے تعاقب سے روک سکتے، بارش نے ان کی لاج رکھی لی، 2 ستمبر کو کینڈی میں ہونے والا میچ بے نتیجہ ختم ہوگیا تھا۔
https://twitter.com/SharyOfficial/status/1698698663759896775?s=20
واضح رہے کہ نیپالی اوپنر آصف شیخ نے عمدہ بیٹنگ کرتے ہوئے بھارت کے خلاف نصف سینچری اسکور کی تھی جب کہ آخر میں سومپال کامی نے بھی جارحانہ بیٹنگ کرتے ہوئے 48 رنز اسکور کیے تھے وہ بدقسمتی سے اپنی نصف سینچری اسکور نہ کرپائے۔
نیپال جیسی ٹیم نے بھارت کے خلاف 48 اوور کھیل کر 230 رنز بناتے ہوئے اسکور بورڈ پر ایک قابل قدر مجوعہ ترتیب دیا تھا جس پر ان کی بیٹنگ کی تعریف بھی کی جارہی ہے۔
