قومی ادارہ صحت نے انفلوئنزا اور امراضِ تنفس بارے خطرے کی گھنٹی بجا دی۔
قومی ادارہ صحت نے انفلوئنزا امراض تنفس بارے ٹریول ایڈوائزری جاری کی ہے جس میں ہدایت کی گئی ہے صوبے انفلوئنزا، امراض تنفس سے بچاؤ کیلئے پیشگی اقدامات کریں۔
این آئی ایچ کے مطابق انفلوئنزا پھیلاؤ، شدت کے حوالے سے مشکل ترین مرض ہے پاکستان میں موسم سرما میں انفلوئنزا کیسز میں اضافہ ہوتا ہے شہریوں کی نقل و حرکت سے فلو کیسز کے پھیلاؤمیں اضافہ ہوتا ہے اسلام آباد اور ناردرن ایریاز میں فلو کے زیادہ کیسز رپورٹ ہوتےہیں۔
مراسلے میں کہا گیا ہے کہ ایڈوائزری کا مقصد سیاحوں کو انفلوئنزا سے متعلق خبردار کرنا ہے ایڈوائزری کا مقصد محکمہ صحت کو فلو کیسز پرمتنبہ کرنا ہے محکمہ صحت مشتبہ فلو کیسز تک رسائی کیلئے پیشگی اقدامات کرے، سیاحتی ایریاز کے داخلی و خارجی راستوں پر سرویلنس بہتر کی جائے۔
این آئی ایچ نے خبردار کیا ہے کہ انفلوئنزا کیسز بڑھنے پر اسپتال داخلے کی شرح بڑھ جاتی ہے موسمی انفلوئنزا معمولی مرض سے شدت اختیار کر سکتا ہے، انفلوئنزا کی علامات دو سے دس دنوں کے دوران ظاہر ہوتی ہیں۔
