site
stats
سائنس اور ٹیکنالوجی

انسٹاگرام میں بیک وقت 10 تصاویر کی پوسٹنگ کا فیچر متعارف

سماجی رابطے کی ویب سائٹ فوٹو ایپ انسٹا گرام نے نیا فیچر متعارف کروا دیا جس میں ایک پوسٹ میں بیک وقت کئی تصاویر یا ویڈیوز پوسٹ کی جاسکیں گی۔

نئے متعارف کیے جانے والے فیچر کے تحت آپ کو اپنی انسٹا گرام کی نیوز فیڈ میں ایسی پوسٹ پر اوپر ایک چوکور آئیکون نظر آئے گا۔ پہلی تصویر کو سلائیڈ کرنے کے بعد دیگر دوسری تصاویر یا ویڈیوز بھی آپ کے سامنے آتی جائیں گی۔

صارفین نے اس فیچر کو پسند تو بے حد کیا، تاہم کچھ کا کہنا ہے کہ اس فیچر میں صرف یہ قباحت ہے کہ پہلی تصویر کے علاوہ باقی تصاویر پروفائل پر ظاہر نہیں ہوں گی۔

اس فیچر کے تحت تصاویر کو اپ لوڈ کرنے کا طریقہ بھی نہایت آسان ہے۔ اپ لوڈ کے آپشن پر کلک کر کے سیلیکٹ ملٹی پل کا آپشن منتخب کریں، اس کے بعد اپنے فون کی گیلری میں سے کوئی 10 تصاویر یا ویڈیو منتخب کریں۔

ہر تصویر کو الگ طرح سے فلٹر کرنے کا آپشن بھی موجود ہوگا جبکہ آپ اس تصویر کا بھی انتخاب کرسکتے ہیں جو آپ کے خیال میں سب سے پہلے نظر آنی چاہیئے۔

ہر تصویر کو علیحدہ ٹیگ بھی کیا جاسکتا ہے۔

یاد رہے کہ کچھ عرصہ قبل انسٹا گرام نے ’اسٹوریز‘ کا فیچر بھی متعارف کیا تھا جن کے تحت تصاویر یا ویڈیو کو عارضی طور پر پوسٹ کیا جاسکتا تھا۔ تھوڑے عرصے بعد وہ پوسٹ خود بخود غائب ہو جاتی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top