The news is by your side.

سی پیک منصوبوں میں روزگار کے وسیع مواقع

اسلام آباد : سرمایہ کاری بورڈ حکام نے کہا ہے کہ سی پیک کے تحت خصوصی اقتصادی زونز پاکستان میں تیزی سے صنعت کاری کو فروغ دینے کے علاوہ روزگار کے مواقع پیدا کریں گے۔

ان کا کہنا ہے کہ پاک چین اقتصادی راہداری (سی پیک) کے پہلے مرحلے میں سی پیک کے منصوبے بنیادی ڈھانچے کی ترقی اور توانائی کے منصوبوں پر مشتمل تھے۔

اس کے بعد جوں جوں سی پیک دوسرے مرحلے میں داخل ہوتا جارہا ہے اس میں تیزی سے خصوصی اقتصادی زونز قائم کیے جا رہے ہیں جن سے صنعتی یونٹس قائم ہونے کے ساتھ ساتھ روزگار کے مواقع  بھی پیدا ہوں گے اور ملک میں معاشی سرگرمیوں کو فروغ ملے گا۔

سرمایہ کاری بورڈ حکام کے مطابق خصوصی اقتصادی زونز میں مراعات کی فراہمی سے صنعتی ترقی کو فروغ اور روزگار کے مواقع پیدا ہوں گے۔ مقامی صنعت کو خصوصی اقتصادی زونز میں بین الاقوامی سرمایہ کاروں کے برابر مراعات اور چھوٹ پر بھی بات چیت ہورہی ہے۔

Comments

یہ بھی پڑھیں