اسلام آباد : اسحاق ڈارکی بطور نائب وزیراعظم تعیناتی اسلام آباد ہائیکورٹ میں چیلنج کردی گئی۔
تفصیلات کے مطابق اسحاق ڈار کی بطور نائب وزیراعظم تعیناتی کیخلاف اسلام آباد ہائیکورٹ میں دائر کردی گئی۔
شہری نے وکیل کے ذریعے درخواست دائر کی، جس میں پرنسپل سیکرٹری ٹووزیراعظم، سیکرٹری کابینہ ڈویژن، اسحاق ڈار کو فریق بنایا گیا ہے۔
- Advertisement -
درخواست میں کہا گیا کہ وفاقی وزیر کی بطور نائب وزیراعظم تعیناتی کا نوٹیفکیشن آئین کیخلاف ہے ،ان کی بطور نائب وزیراعظم تعیناتی آرٹیکل 4کی خلاف ورزی ہے۔
درخواست میں استدعا کی گئی کہ ان کی تعیناتی کا نوٹیفکیشن کالعدم قرار دیا جائے اور کیس کے حتمی فیصلے تک انھیں کام سے روکا جائے۔
