تل ابیب: اسرائیل کے ملٹری انٹیلیجنس چیف أهارون هاليفا 7 اکتوبر کے حملے کی ناکامی پر مستعفی ہو گئے۔
غیر ملکی میڈیا رپورٹس کے مطابق اسرائیل کے ملٹری انٹیلیجنس چیف نے 7 اکتوبر کے حملے کی ناکامی پر استعفیٰ دے دیا ہے، وہ پہلی اعلیٰ سرکاری شخصیت ہیں جنھوں نے حماس کے حملے پر عہدہ چھوڑا۔
اسرائیلی فوج نے ایک بیان میں کہا ہے کہ ملٹری چیف آف اسٹاف نے أهارون هاليفا کا استعفیٰ قبول کر لیا اور ان کی خدمات پر ان کا شکریہ ادا کیا۔
أعلن الجيش الإسرائيلي استقالة أهارون هاليفا رئيس شعبة الاستخبارات العسكرية لديه بسبب "مسؤولية قيادته” عن الإخفاق في التحذير من هجوم السابع من أكتوبر/تشرين الأول الماضي.
وجاء في بيان الجيش: "تقرر أن يتنحى اللواء أهارون هاليفا عن منصبه ويتقاعد من الجيش الإسرائيلي بمجرد تعيين… pic.twitter.com/0CdJ2bhX6F
— الجزيرة مباشر (@ajmubasher) April 22, 2024
الجزیرہ کے مطابق ھالیفا کے اس اقدام کی وجہ سے اسرائیل کے دیگر اعلیٰ سیکیورٹی افسران کو موقع ملے گا کہ وہ بھی حملے کو روکنے کے لیے ذمہ داری قبول کریں، یاد رہے کہ هاليفا نے اکتوبر میں کہا تھا کہ حملے کو نہ روک سکنے کی ذمہ داری ان کے کندھوں پر ہے۔
اسرائیل نے لبنان میں اپنا ڈرون مار گرائے جانے کی تصدیق کردی
اسرائیلی فوج نے بیان میں کہا کہ میجر جنرل أهارون هاليفا کو 7 اکتوبر 2023 کو حماس کے حملے کے بعد ذمہ داری قبول کرتے ہوئے سروس ختم کرنے کو کہا گیا تھا، الجزیرہ کے مطابق هاليفا کے ساتھ ساتھ دیگر فوجی اور سیکیورٹی حکام سے بڑے پیمانے پر توقع کی جا رہی تھی کہ وہ ان واضح ناکامیوں کے جواب میں مستعفی ہو جائیں گے جن کی وجہ سے حملہ ہوا۔
اگر ایک طرف هاليفا اور دیگر نے اکتوبر کے حملے کو نہ روک سکنے کی ذمہ داری قبول کی ہے، تو دوسری طرف وزیر اعظم نیتن یاہو نے اس کی ذمہ داری قبول نہیں کی، اور کہا کہ وہ اپنے کردار کے حوالے سے سخت سوالات کا جواب دیں گے۔
