بھارتی اداکارہ جیکولین فرنینڈس نے سوشل میڈیا پر زیرگردش لیجنڈری اداکار وین ڈیم اور نوجوان گلوکارہ سیلینا گومز کے ساتھ اپنی تصاویر سے متعلق حقیقت بتادیا۔
گزشتہ ماہ بھارتی اداکار ہ جیکولین فرنینڈس نے وین ڈیم اور گلوکارہ سیلینا گومز کے ساتھ ساتھ تصاویر شیئر کی تھی جس کے بعد یہ قیاس آرائیاں کی جارہی تھیں کہ جیکولین فرنینڈس ہالی ووڈ میں قدم رکھنے والی ہیں۔
View this post on Instagram
تاہم جیکولین نے خود ان پر لب کشائی کی ہے، فلم فیئر سے گفتگو میں کہا کہ میں نے حال میں وین ڈیم کے ساتھ اٹلی میں فلم کی شوٹنگ کی ہے، ایسے لیجنڈری اداکار کے ساتھ کام کرنا بہترین تھا، وہ واقعی ایکشن ہیرو ہیں جن کی فلمیں دیکھ کر میں بڑی ہوئی ہوں۔
اداکارہ کا کہنا تھا کہ میرے اور میرے اہلِ خانہ کے پاس ان کی فلموں کی کلیکشن موجود ہے اور ہم وہ دیکھتے رہتے ہیں، میں نے اپنے خواب میں بھی نہیں سوچا تھا کہ میں کبھی ان کے ساتھ بھی فلم کروں گی۔
View this post on Instagram
سیلینا گومز کے ساتھ اپنی تصویر سے متعلق انہوں نے بتایا کہ میں خوش قسمت ہوں کہ دورہ اٹلی کے دوران مجھے سیلینا گومز سے ملنے کا موقع ملا۔
جیکولین نے امریکی گلوکارہ کی تعریف کرتے ہوئے کہا کہ وہ بہت عمدہ فنکارہ ہیں، وہ عاجزانہ شخصیت کی مالکن ہیں، مجھے ان کے ساتھ کچھ وقت گزارنا اچھا لگا اور یہ تصویر اسی ملاقات کی ہے۔
