مشہور زمانہ فلم ’ٹائی ٹینک‘ کے ڈائریکٹر جیمس کیمرون ٹائٹن اور ٹائی ٹینک کے ساتھ پیش آنے والے حادثے میں مماثلت دیکھ کر حیرت زدہ رہ گئے ہیں۔
ہالی وڈ کے ڈائریکٹر جیمز کیمرون نے تائٹن کے سانحے پر رد عمل دیتے ہوئے کہا کہ ٹائی ٹینک جہاز اور ٹائٹن کو پیش آئے حادثے میں مماثلت سے حیرت زدہ ہوں۔
ہالی وڈ کے ڈائریکٹر جیمز کیمرون نے کہا کہ ٹائی ٹینک کپتان کو بار ہا خبر دار کیا گیا تھا آگے برف کا تودہ ہے، لیکن ٹائی ٹینک کے کپتان نے اندھیری رات میں پوری رفتار سے جہاز چلا دیا تھا۔
جیمز کیمرون نے کہا کہ کئی بارٹائی ٹینک کی باقیات جا کر دیکھ چکا ہوں، آبدوزنما ٹائتن کی تیاری میں حائل انجینئرنگ مشکلات اور سیفٹی پروٹوکول جانتا ہوں۔
امریکی بحریہ کا سمندر میں تباہ ہونیوالی ٹائٹن آبدوز سے متعلق نیا انکشاف
ڈائریکٹر جیمز کیمرون کا آبدوز حادثے سے متعلق کہنا تھا کہ آبدوز کی تیاری میں کئی بنیادی خرابیاں تھیں، آبدوز کی تیاری میں جو مٹیریل استعمال ہوا وہ اندورنی دباؤ سے بچاؤ کیلئے تھا اس میں بیرونی دباؤ سے مدافعت کا مٹیریل استعمال نہیں کیا گیا تھا۔
انہوں نے کہا کہ ٹائٹین آبدورز کے حادثے میں جانوں کے ضیاع پر افسوس ہے، لوگوں کو چاہیئے وہ اس واقعے سے سبق سیکھیں۔
کیا سمپسنز نے 2006 میں ٹائٹن آبدوز واقعے کی پیش گوئی کی تھی؟
اس سے قبل سوشل میڈیا پر کارٹون سیریز دی سمپسنز کا ایک کلپ وائرل ہوا جس میں 2006 کے ایک ایپی سوڈ میں حادثے کی پیش گوئی کی گئی تھی۔
Simpsons, plz stop this
This iz very scary.I hate simpsons. 😡#OceanGate #Titan #titanicsubmarine #OceansGate #submarine #titanicsubmersible #titanicsub #Titans #TitanicRescue #Titanic #submarinemissing pic.twitter.com/5LGwtGDat2
— War room (@BlownWar) June 22, 2023
واضح رہے کہ بحراوقیانوس میں ٹائی ٹینک کی باقیات دیکھنے کیلئے جانے والے سیاحوں کی لاپتہ آبدوز ٹائٹن کا ملبہ ملنے کے بعد آبدوز کی مالک کمپنی اوشین گیٹ نے اس میں سوار پانچوں افراد کی موت کی تصدیق کی۔
جس میں کمپنی کے سی ای او اسٹاکٹن رش، دو پاکستانیوں شہزادہ داؤد اور ان کے بیٹے سلیمان داؤد سمیت ہیمش ہارڈنگ اور پال ہنری نارجیولیٹ کی موت کی تصدیق کردی ہے۔
خیال رہے کہ 1912 میں تباہ ہونے والے مسافر بردار بحری جہاز ٹائی ٹینک کا ملبہ دیکھنے کیلئے جانے والی آبدوز ٹائٹن 18 جون کو بحر اوقیانوس میں لاپتہ ہوئی گئی تھی۔
