ٹوکیو: جاپان میں زلزلے سے ہلاکتوں کی تعداد 30 ہو گئی ہے، جب کہ 155 افراد زخمی ہوئے ہیں، جب کہ سونامی کی وارننگ ہٹا دی گئی ہے۔
تفصیلات کے مطابق جاپان کے دارالحکومت ٹوکیو سے 400 کلومیٹر دور وسطی صوبے اوشیکاوا میں آنے والے 7.6 شدت کے ہول ناک زلزلے سے ہلاکتوں کی تعداد چوبیس ہو گئی ہے، جب کہ مزید ہلاکتوں کا بھی خدشہ ظاہر کیا جا رہا ہے۔
زلزلے سے درجنوں عمارتیں اور متعدد گھر تباہ ہو گئے ہیں، سڑکوں پر گہری دراڑیں پڑ گئیں، زلزلے سے ایک رہائشی علاقے میں آگ بھی بھڑک اٹھی، متاثرہ علاقوں میں ہزاروں گھر بجلی سے محروم ہو گئے ہیں، زلزلے کے باعث نظام زندگی میں شدید خلل پڑ گیا ہے، شاہراہیں بند ہو گئی ہیں اور بلٹ ٹرین سروس اور پروازیں بھی متاثر ہوئیں۔
An entire bridge detaching from the road.
It happened today at 16:10 local time after an M7.4 earthquake hit the prefectures of Ishikawa, Niigata and Toyama in Central Japan.
[ Yeye36395198]pic.twitter.com/jSFyol0YRb
— Massimo (@Rainmaker1973) January 1, 2024
بحیرہ جاپان کے ساحلی علاقے سے ایک میٹر اونچی سونامی کی لہریں ٹکرائی تھیں، نیگاتا، تویاما اور اوشیکاوا صوبوں کے ساحلی علاقوں میں سونامی کی وارننگ جاری ہونے کے بعد ہزاروں افراد کو محفوظ مقام پر منتقل کر دیا گیا ہے جب کہ انتظامیہ نے متاثرہ علاقوں کے ایک لاکھ سے ز ائد لوگوں کو علاقہ چھوڑنے کی ہدایت کی ہے۔
Earthquake in the west coast of Japan has already killed 4 and injured many. Tsunami fear has gone but the fire that started in Wajma City continues even after 12+ hours. 2023 refuses to end! pic.twitter.com/gSB8L2rFQ0
— Ashok Swain (@ashoswai) January 1, 2024
جاپانی وزیر اعظم فومیو کشیدا نے کہا ہے کہ خدشہ ہے کہ زلزلے سے بڑے پیمانے پر نقصان ہوا ہے، اور اموات بڑھنے کا بھی خدشہ ہے، انھوں نے کہا سیلف ڈیفنس فورس کے اہلکاروں کو متاثرہ علاقوں میں بھیج دیا گیا ہے، جہاں وہ لوگوں کی نقل مکانی میں مدد کر رہے ہیں۔
جاپان میں زلزلہ، امریکی صدر نے بڑی پیشکش کردی
زلزلے کے بعد جاپان اور ارد گرد کے ممالک میں سونامی کی وارننگ جاری کی گئی تھی، جو بعد میں سونامی ایڈوائزری میں تبدیل کر دی گئی، تاہم آج منگل کی صبح اسے بالکل ہی ہٹا دیا گیا ہے، جاپان میں زلزلے کے بعد 50 سے زائد آفٹر شاکس بھی محسوس کیے گئے۔