جاپان میں پارلیمنٹ سے مسلسل غیرحاضر رہنے پر رکن اسمبلی کو برطرف کر دیا گیا۔
یوشیکازو ہیگاشیتانی نامی رکن اسمبلی 70 سال سے زائد عرصے میں جاپان کی پارلیمنٹ سے نکالے گئے پہلے رکن پارلیمنٹ بن گئے ہیں کیونکہ وہ ایوان میں آنے اور اپنا کام کرنے میں ناکام رہے ہیں۔
پارلیمنٹ نے 1950 سے اب تک صرف دو افراد کو ہی نکالا ہے لیکن یہ پہلا موقع ہے جب کسی رکن اسمبلی کو مسلسل غیر حاضری کی وجہ سے نکالا گیا ہو۔
جولائی 2022 میں منتخب ہونے کے بعد سے ہیگاشیتانی نے ایک بھی اجلاس میں شرکت نہیں کی تھی۔ "نو شو ایم پی” ان کا عرفی نام ہے وہ ایک سابق بزنس مین اور یوٹیوبر ہیں جو اپنی سیلیبرٹیز کے ساتھ گپ شپ ویڈیوز کے لیے مشہور ہے۔
وہ دبئی سے ہی کام کررہے ہیں ان کا دعویٰ ہے کہ اگر وہ جاپان واپس گئے تو انہیں گرفتار کر لیا جائے گا۔ مبینہ طور پر انہیں اپنی یوٹیوب ویڈیوز سے متعلق کچھ جاپانی مشہور شخصیات کی بدنامی پر پوچھ گچھ کا سامنا ہے۔
پچھلے ہفتے پارلیمنٹ نے ہیگاشیتانی سے کہا کہ وہ ٹوکیو کے چیمبر میں ذاتی طور پر معافی مانگے اور یہ ان کے لیے آخری موقع ہے۔
