اسلام آباد: پاکستان مسلم لیگ کے سینئر رہنما جاوید لطیف نے پی ٹی آئی سے مذاکرات کی مخالفت کردی۔
تفصیلات کے مطابق قومی اسمبلی اجلاس میں دھواں دھار تقریر کرتے ہوئے لیگی رہنما جاوید لطیف نے اپنی ہی حکومت سے سوالات پوچھ لئے۔
جاوید لطیف نے کہا کہ بتایا جائے کہ ایک سال پہلے حکومت کیوں لی تھی؟ پی ٹی آئی کا سارا گند اپنے سر کیوں لیا؟
یہ بھی پڑھیں: حکومت سے مذاکرات میں پی ٹی آئی کا ممکنہ ایجنڈا سامنے آگیا
لیگی رہنما کا کہنا تھا کہ کیا جو کچھ کل تک عمران خان پر ہم کہتےرہے وہ غلط تھا؟ انہوں نے مطالبہ کیا کہ پی ٹی آئی کی جانب سےسرعام معافی مانگنےتک مذاکرات نہ کیےجائیں۔
جاوید لطیف نے قومی اسمبلی میں گرما گرم تقریر کرتے ہوئے کہا کہ نوازشریف کو باہر رکھ کر اگر کوئی الیکشن چاہتاہےتو یہ ناممکن ہے، یہ لوگ نوازشریف کےکیسز پرمعافی مانگ لیں اور کل الیکشن کرالیں۔
انہوں نے دو ٹوک الفاظ میں کہا کہ عمران خان سےبالکل مذاکرات نہیں ہونےچاہئیں،عمران خان کوپہلےمعافی مانگنا ہوگی پھرمذاکرات ہوں گے۔
