لاہور: وزیراعظم عمران خان نے ساہیوال واقعےکا نوٹس لےلیا، وزیر اعلیٰ پنجاب سے رپورٹ طلب کرلی، آئی جی پنجاب نے واقعے کی تفتیش کے لئے جے آئی ٹی تشکیل دے دی۔
تفصیلات کے مطابق وزیر اعظم نے واقعہ کا نوٹس لے لیا، جے آئی تشکیل دے دی گئی، آئی جی پنجاب واقعے کی براہ راست انکوائری کریں گے، قتل کے واقعےکی دونوں پہلوؤں سےتحقیقات کی جارہی ہیں۔
ڈی آئی جی ذوالفقار حمید جے آئی ٹی کے سربراہ ہوں گے، پنجاب پولیس کے مطابق حساس اداروں کے نمائندے جے آئی ٹی کا حصہ ہوں گے، جےآئی ٹی تحقیقات مکمل کر کے3 روز میں رپورٹ پیش کرے گی.
یاد رہے کہ آج انسدادِ دہشت گردی کے مبینہ جعلی مقابلے میں دو خواتین سمیت چار افراد ہلاک ہو گئے تھے، گاڑی میں موجود ایک بچہ بھی زخمی ہوا، عینی شاہدین اور سی ٹی ڈی اہل کاروں کے بنایات میں واضح تضادات ہیں۔
اہل خانہ کا احتجاج
اس واقعے کے بعد اہل خانہ اور علاقہ مکینوں کی جانب سے فیروزپور پر احتجاج جاری ہے، مظاہرین نےفیروزپور روڈ بلاک کر دیا.
مارے جانے والے شخص کے بھائی کا کہنا ہے کہ ہم تین گاڑیوں پر لاہورسے بورے والا شادی میں جارہے تھے، جب ہم قادر آباد پہنچے تو بھائی کا فون بند ملا.
بھارئی کا کہنا تھا کہ تھوڑی دیربعد رشتہ دارنے فون کرکے بتایا پولیس مقابلےمیں بھائی کو مار دیا، اگر وہ دہشت گرد تھے، تو مجھے بھی مار دیے.
ہلاک ہونے والے چاروں افراد کا تعلق لاہورکے علاقے طارق آباد سے ہے.
