The news is by your side.

Advertisement

جان ابراہم کا پہلا پیار کون تھا؟ اداکار نے بتادیا

ممبئی: بالی ووڈ کی شوبز شخصیات کے پہلے ناکام اور ادھورے پیار کے بارے میں مداح جاننے کے لیے بے تاب رہتے ہیں اور اُن کی خواہش ہوتی ہے کہ کسی نہ کسی موقع پر وہ اس بارے میں اظہار خیال کریں۔

تفصیلات کے مطابق بالی ووڈ کی کوئی بھی خاتون یا مرد اداکار کی زندگی میں کوئی نہ کوئی ایسا موقع ضرور آتا ہے کہ وہ کسی پر بھی اپنا دل ہار بیٹھتے ہیں اور وہ اس بات کو تاحیات یاد رکھتے ہیں۔

آج ہم بات کررہے ہیں بالی ووڈ کے ایسے معروف اداکار کی جن کے دنیا بھر میں ہزاروں کی تعداد میں مداح موجود ہیں اور ان میں لڑکیوں کی بڑی تعداد بھی شامل ہے، فلم ریس سے شہرت کی بلندیوں پر پہنچنے والے جان ابراہم کی کثرتی جسم اور جاذبیت کسی سے ڈھکی چھپی نہیں یہی وجہ ہے کہ سینکڑوں کی تعداد میں لڑکیاں اُن پر جان چھڑکتی ہیں۔

مزید پڑھیں: بالی وڈ اداکار جان ابراہم ’انجری‘ سے صحت یاب ہورہے ہیں

حال ہی میں بھارتی نجی ٹی وی شو میں جان ابراہم اپنی فلم کی تشہیر کے لیے تشریف لائے تو وہاں اُن سے اینکر نے پہلے پیار سے متعلق سوال کرلیا جسے سُن کر اداکار گھبرا گئے تاہم ایک منٹ کی خاموشی کے بعد انہوں نے ٹھنڈی آہ بھرتے ہوئے ساری کہانی بیان کر ڈالی۔

جان ابراہم کا کہنا تھاکہ اسکول دور میں انہیں ایک ٹیچر سے پیار ہوگیا تھا جس سے وہ شادی کے بھی خواہش مند تھے، اداکار کا کہنا تھا کہ میں نے اس خواہش کا اظہار اپنے والد سے بھی کیا۔

بالی ووڈ اداکار کا کہنا تھا کہ یہ اُس وقت کی بات ہے جب میں سیکنڈ گریڈ کی کلاس میں پڑھ رہا تھا تو ہماری ایک ٹیچر تھی جو بہت زیادہ ذہین اور خوبصورت تھیں۔

یہ بھی پڑھیں: 12 سال کی عمر میں شادی کرنا چاہتی تھی، پریانکا کا اعتراف

جان ابراہم کا کہنا تھا کہ ایک روز اسکول سے واپس آکر والد سے اس خواہش کا اظہار کیا کہ میں آنند کی اہلیہ سے شادی کرنا چاہتا ہوں، سوال سُن کر والد نے پوچھا یہ لڑکی کون ہے جب انہیں معلوم ہوا کہ میں اپنی کلاس ٹیچر کی بات کررہا ہوں تو انہوں نے بہت غصہ کیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔

Comments

comments

یہ بھی پڑھیں