کراچی: ترجمان رینجرز کا کہنا ہے کہ جمالی گوٹھ سے جرائم میں ملوث 6 غیر ملکی افغان شہری کو گرفتار کیا ہے۔
اے آر وائی نیوز کے مطابق رینجرز اور پولیس نے جمالی گوٹھ میں سرچ اینڈ کامبنگ آپریشن کرتے ہوئے جرائم میں ملوث 6 غیر ملکی افغان شہری کو گرفتار کرلیا۔
ترجمان رینجرز کا کہنا تھا کہ آپریشن کے دوران 4 مفرور ملزمان کو بھی گرفتار کیاگیا، یہ تمام ملزمان ڈکیتی، اسٹریٹ کرائم اور منشیات فروشی میں ملوث ہی۔
ترجمان نے بتایا کہ گرفتار ملزمان میں گل میر، آغانور، سعید میر، خدائے نور، محمد حفیظ اور اللہ داد شامل ہیں، جس میں ملزمان اسد اللہ، عبدالغفور، آغا محمد اور جاوید احمد مفرور تھے۔
رجمان رینجرز نے بتایا کہ کومبنگ آپریشن میں کباڑ خانے سے 6 کلو چرس اور موٹر سائیکل برآمد کی گئی ہے، آپریشن جرائم پیشہ افراد اور منشیات فروشوں کے خلاف کیا گیا۔
ترجمان رینجرز کا مزید کہنا تھا کہ بائیو میٹرک تصدیق کے ذریعے کرمنل ریکارڈ بھی چیک کیا گیا ہے اس مشترکہ آپریشن میں رینجرز لیڈی سولجرز نے بھی حصہ لیا، گرفتار ملزمان مزید قانونی کاروائی کیلئے پولیس کے حوالے کر دیا گیا۔
